Таа пред две години го дочека моментот да го запознае нејзиниот животен пример, идол, инспирација, најдобриот тенисер на светот, Новак Ѓоковиќ.

Денеска српската спортистка Дејана Бачко повторно го импресионираше Ноле кој неодамна освои нова грен слем титула на „Австралија опен“.

Тој сега е на заслужен одмор, но едно нешто го натера да се огласи на Инстаграм. Имено, тој е одушевен од неверојатниот талент на Бачко, српската шампионка во паратеквондо, која има и феноменална дарба за уметност и сликарство.

Иако е родена со инвалидитет, без раце, Дејана покажува дека со силата на волјата, не постои начин да се спречи прикажување на талентот што го поседува.

Така, покрај златниот медал на Светското првенство во паратеквондо, таа успеа да го наслика Новак Ѓоковиќ на импресивен начин, и да го воодушеви лично.