Војната меѓу семејството Бекам и нивниот најстар син Бруклин продолжува со полна пареа преку социјалните мрежи. Откако Викторија Бекам сподели фотографии од персонализирани велигденски подароци за целото семејство на кои имињата на Бруклин и Никола беа забележително отсутни, неговата сопруга не остана должна, пренесува „Дејли мејл“.

Никола Пелц веднаш објави кадри од сопствените екстравагантни велигденски корпи исполнети со скапоцени чоколади и подароци, што медиумите го протолкуваа како директен одговор на игнорирањето од страна на нејзината свекрва.

Јазот во славното семејство станува сè подлабок, особено по јануарското соопштение на Бруклин во кое тој јавно порача дека не планира помирување со родителите. Додека Дејвид и Викторија со останатите деца го славеа Велигден во Мајами и го прославуваа отворањето на новиот стадион на Интер Мајами, Бруклин беше забележан во Лос Анџелес како нервозно разговара на телефон.

Овој последен „судир“ со празничните корпи е само уште една потврда дека односите меѓу младата двојка и славните родители се на најниско ниво досега.

Ескалираше семејната војна: Бруклин Бекам им зададе тежок удар на родителите пред Божиќ