Извор близок до Бруклин Бекам откри зошто тој одлучил да комуницира со своите родители, Викторија и Дејвид Бекам, исклучиво преку адвокати, пренесува „Сан“. Имено, Бруклин на овој начин сака да го заштити своето ментално здравје, бидејќи објавите што неговите родители ги споделувале на социјалните мрежи силно влијаеле врз него.

Извор за „Мирор“ наведува дека тој сака обидите за помирување да се одвиваат приватно, а не јавно, преку интернет.

Исто така, се наведува дека ситуацијата ескалирала откако родителите ги игнорирале неговите молби да престанат со ваквото однесување.

„Тоа доведе до проблеми со неговото ментално здравје. Тој го направи ова за да се заштити себеси“, изјавил изворот.

Бруклин Бекам смета дека родителите сè уште го гледаат како дете, а не како возрасна личност. Тој ги блокирал сите членови на своето семејство на социјалните мрежи, додека неговата сопруга, Николa Пелц, ги избришала сите заеднички фотографии со Викторија и Дејвид.

ВИДЕО | Бруклин Бекам поради ова видео го блокирал целото семејство на Инстаграм