На денешниот прием кај заменик-градоначалникот на Општина Карпош Неделчо Крстевски, првенците од десетте основни училишта беа наградени со еднократна парична награда и летување во Грција информираат од локалната самоуправа.

Општината, како што се наведува во соопштението, во знак на признание за нивниот исклучителен успех, посветеност и вложен труд, на првенците им додели парична награда во висина од 10.000 денари и седумдневно летување во кампот „Каливас“ во Грција.

Првенци на генерацијата 2025/2026 година се: Нина Каламадевска од ООУ „Братство“, Софија Ѓоргон од ООУ „Димо Хаџи Димов“, Михаил Јачовски од ООУ „Јан Амос Коменски“, Јане Јанев од ООУ „Христијан Тодоровски Карпош“, Ива Бухова од ООУ „Петар Поп Арсов“, Николина Костовска од ООУ „Аврам Писевски“, Надја Бежоска од ООУ „Војдан Чернодрински“, Дариа Алексовска од ООУ „Лазо Трповски“, Анастасија Цветаноска од ООУ „Владо Тасевски“ и Александра Димитрова од ООУ „Вера Циривири Трена“.