Припадници на Министерството за внатрешни работи во Врање, Р. Србија, во соработка со Регионалниот центар за гранична полиција кон Македонија, го уапсиле македонскиот државјанин С. К. (56), кој е обвинет дека лажно се претставувал како лекар и земал пари од граѓани наводно потребни за лекување членови на нивните семејства, јави Танјуг.

Осомничениот С.К (1970) се товари дека од 4 до 13 јуни годинава им се јавил на тројца граѓани од областа на Врање на нивните фиксни телефони, претставувајќи се како лекар од Македонија, и им кажал дека нивни блиски членови на семејството наводно се тешко повредени, со што ги довел во заблуда и подоцна отишол на нивни адреси и зел големи суми пари.

На осомничениот, кој бил уапсен по наредба на Основното јавно обвинителство во Врање, му бил одреден притвор од 48 часа поради сомнение за сторено продолжено кривично дело измама и против него ќе биде поднесена соодветна кривична пријава.

Сличен случај во Србија имаше и пред два месеци, кога 42-годишен македонски државјанин беше уапсен во Белград, исто така под сомнение дека мамел постари луѓе лажејќи ги дека е лекар.

Жена прегазена на улица во Карпош – возачот избегал, но полицијата го пронајде