18-годишно момче од Струмица, кое возело автомобил „Мерцедес“, синоќа не застанало кога го запреле полицајци, а потоа во филмска потера се нашло во Богданци. Таму, момчето ја напуштило колата и почнало да бега пеш, а кога полицајците го стигнале, физички ги нападнало, соопшти МВР.

„Ноќеска (14.06.2026) во Богданци, полициски службеници од СВР Струмица-ОВР Гевгелија го лишија од слобода М.И.(18) од село Василево, струмичко. Тој, управувајќи патничко возило „мерцедес“ со струмички регистарски ознаки, не застанал на даден знак за запирање од полициски патроли и продолжил да се движи со возилото со голем брзина. Во Богданци го запрел возилото и побегнал, а откако бил стигнат физички ги нападнал полициски службеници. Лицето е задржано во полициската станица Гевгелија и за настанот е известен јавен обвинител од Основното јавно обвинителство Гевгелија. По документирање на случајот ќе биде поднесена соодветна пријава“, велат од полицијата.

ВИДЕО | Тинејџери дивееле во паркче во Карпош 4, кршеле корпи за ѓубре и турнале канделабра