26-годишна државјанка на Македонија загинала денеска во тешка сообраќајна несреќа што се случила околу пладне на патот меѓу Поградец и граничниот премин Ќафасан, јавија албанските медиуми.

Според првичните информации, автомобил управуван од жителка на Корча (Албанија) се судрил со возило со македонски (струшки) регистарски таблички, кое го управувала државјанка на Македонија од Ливада, Струга.

„Во несреќата смртно настрадала 26-годишната Е.Л., која била сопатничка во возилото со македонски таблички. Повредени се и двајцата возачи, како и уште двајца патници кои се наоѓале во двете возила“, соопшти локалната полиција.

Сите повредени се пренесени во болница, каде што им е укажана помош. Според информациите на албанските медиуми, нивната состојба е стабилна и тие се надвор од животна опасност.

На местото на несреќата е извршен увид, а полицијата и обвинителството истражуваат како дошло до трагичната несреќа.