Жител на село кај Македонска Каменица вчера го пријавил сопствениот брат дека подолго време психички и физички го малтретирал него и нивниот татко, по што полиција го уапсила насилникот, соопшти МВР·

„На 13.06.2026 година во 13:30 часот, во село на подрачјето на општина Македонска Каменица, полициски службеници од Полициското одделение Македонска Каменица го лишиле од слобода С.М. (45) од Виница. Како што информираат од полицијата, акцијата е спроведена по претходна пријава од неговиот 41-годишен брат, кој пријавил дека подолг временски период пријавениот во семејниот дом во селото психички и физички ги малтретирал него и нивниот татко, при што упатувал и закани. По пријавата, полициски службеници постапиле и го лишиле од слобода лицето. За случајот е известен јавен обвинител од Основното јавно обвинителство Делчево, по чија насока се преземаат натамошни мерки за целосно расчистување на настанот“, пишува во полициското соопштение.

ВИДЕО | Тинејџери дивееле во паркче во Карпош 4, кршеле корпи за ѓубре и турнале канделабра