Во гаснењето на пожарот помеѓу штипските села села Долани и Љуботен вечерва се вклучи и авион „ер трактор“, кој започна да фрла вода врз огнената стихија која опфаќа голема површина.

На терен пожарот го гаснат 18 пожарникари од ТПП Штип, 12 доброволци од Доброволното противпожарно друштво Штип, и месното население. Со помош на багери се прават и пресеци во близина на селото Долани за да не се префлри огнот кон куќите. Бидејќи пожарот е на непристапен терен се гасне со пожарникарски метли.

Зоран Младеновски од ДПД Штип вели дека во моментов се прават напори пожарот да не зафати стара борова шума.

Претходно Центарот за управување со кризи (ЦУК) информираше дека во пожарот еден жител на блиските села, помагајќи во гаснењето на пожарот, се здобил со минимални изгореници. Екипата на Итната медицинска помош веднаш интервенирала и на лицето му била укажана соодветна медицинска помош. Според досегашните информации, нема други повредени во пожарот.

ВИДЕО | „Не сум виновен“, рече бодигардот на премиерот Мицкоски, Ангел Самараков, обвинет за одавање службена тајна на Благоја Коруноски