Германија/EPA/SAM WASSON

ВИДЕО | Германците ја наполнија мрежата на симпатичниот Курасао

Германија ја запиша најубедливата победа досега на Мундијалот, совладувајќи ја селекцијата на Курасао со убедливи 7-1 во натпревар во кој избраниците на Јулијан Нагелсман доминираа од почеток до крај.

Германците влегоа како големи фаворити и тоа го потврдија уште од првата минута, со висок притисок и константни напади. Резултатот беше отворен веќе во шестата минута кога Нмеча ја затресе мрежата на противникот.

Иако Германија ја контролираше играта, Курасао успеа кратко да се ослободи од притисокот и да стигне до израмнување. Стрелец на голот беше Комененсија во 21. минута и така малата островска селекција го постигна својот прв погодок во историјата на Мундијалите, момент кој сигурно ќе се памети во оваа земја и покрај убедливиот пораз.

До крајот на првото полувреме, Германците повторно ја презедоа контролата и преку Шлотербек и Хаверц од пенал заминаа на одмор со 3-1.

Доминацијата продолжи и во вториот дел, а конечните 7-1 ги поставија Мусиала, Браун, Ундав и Хаврец кој вторпат стрелаше.

ВИДЕО | Најмалата нација во светот го даде својот прв гол на Мундијалите

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот