Агенцијата за храна и ветеринарство (АХВ) изрече втора парична казна за Општина Гостивар, за која инспекторите утврдиле дека повторно незаконски заловувала и дислоцирала улични кучиња, и тоа повторно со исто возило, но сега со изменета регистрација.

„Поради неовластено заловување и дислокација на бездомни кучиња, без одобрување на Агенцијата и од страна на неквалификувани лица, АХВ согласно од редбите од Законот за заштита и благосостојба на животните, по спроведен вонреден инспекциски надзор, на Општина Гостивар и изрече парична казна од 2.100 евра во денарска противвредност (1.500 за Општинта и 600 евра за Градоначалникот). Донесено е и ново решение, по издаденото во ноември 2025 година, за забрана за спроведување на ваков тип неовластени активности, за кое во соработка со Министерството за внатрешни работи е утврдено дека возилото со кое се заловувале и дислоцирале бездомните кучиња, е истотото возило со кое и претходно се вршеле ваков тип недозволени активности, но, сега со променета регистарска табличка“, соопштија од АХВ.

Според Агенцијата, вонредната контрола е спроведена по дојава на граѓани и доставени фотографии и видео докази до АХВ.

„Агенцијата за храна и ветеринарство ќе продолжи со спроведување на инспекциски надзори за почитување на одредбите од Законот за заштита и благосостојба, во врска со заловувањето и третаманот на бездомните животни“, велат од АХВ.

Кучиња скитници нападнале девојка во Гостивар, со тешки повреди завршила во болница