АБА лигата без шампион, МЗТ повторно со „празни раце“

Најдобрата АБА лига следната сезона ќе се прошири за два клуба, од АБА2 учесници ќе бидат Борац од Чачак и Сплит.

После анализата на сите можни опции, конечно заврши Собранието на АБА лигата кое одлучи да ја поништи сезоната во сите свои натпреварувања (АБА1, АБА2 и У19 АБА).

Покрај големата желба да се дознаат победниците на терен, клубовите на прво место го ставија здравјето на играчите, навивачите, стручните штабови и сите кои учествуваат во организацијата на натпреварите.

Како што и се најавуваше, тоа денеска официјално доби потврда. Поради пандемијата на коронавирус, најдобрата АБА лига оваа сезона (2019/2020) завршува без прогласување на шампион.

Воедно нема испаѓање од АБА лигата која следната натпреварувачка сезона (2020/2021) ќе се прошири за два клуба од АБА 2 конкуренцијата.

Тие ќе бидат првоплaсираните две екипи во моментот на прекинот на сезоната во второлигашката АБА, oдносно екипите на Борац од Чачак и Сплит, и со нив елитата ќе брои 14 екипи.

Прочитајте и...  КК Работнички не води преговори со потенцијален нов сопственик!

Иако македонскиот претставник МЗТ Скопје Аеродром го обезбеди третото место сезонава во АБА2 и требаше да игра плејоф за учество во првата АБА лига, но уште една одлука сезонава, покрај домашното првенство, не заврши во полза на „металците“.

Одлучено е АБА2 лигата во сезоната 2020/2021 да брои 12 клубови, врз основа на резултатите во домашните првенства.

Сите шест земји во АБА лигата (Босна и Херцеговина, Хрватска, Црна Гора, Македонија, Србија и Словенија) ќе дадат два претставници. Во случај некои клубови од одредени земји не се пријават за сезоната 2020/21, празните места ќе ги пополнат со доделување на „вајлд кард“.

Поврзани вести

Мото ГП шампионот во карантин ужива со вистинска убавица, за неа изнајми и приватен авион (ФОТО)

Слободен печат

Јувентус го менува Дибала со ѕвезда на Ливерпул

Слободен печат

И Мекгрегор му честита на Хабиб

Слободен печат

„Кралот“ на октагонот, Нурмагомедов: Ова беше мојата последна борба!

Слободен печат

ВИДЕО: Ливерпул им се врати на победите во Премиер лигата!

Слободен печат

ВИДЕО: Тричковски ја продолжи голгетерската форма во Кипар

Слободен печат

Остави Коментар