Зверев во четвртфиналето на Ролан Гарос против Давидович Фокина
Шестиот тенисер на светот Александер Зверев се пласираше во четвртфиналето на „Ролан Гарос“ со убедливата победа над Кеи Нишикори.
Зверев го совлада Нишикори со 6:4, 6:1 и 6:1 и обезбеди пласман помеѓу најдобрите осум играчи на грен слем турнирот во Париз, Франција.
Следен противник на Германецот ќе биде Алехандро Давидович Фокина кој со 3:1 (6:4, 6:4, 4:6, 6:4) го елиминираше Аргентинецот Федерико Делбонис.
Зверев и Давидович Фокина досега двапати се сретнале, и во двата меча победник бил германскиот тенисер. Од претходно е познато дека во четвртфиналето силите ќе ги одмерат Циципас и Медведев, останува да ги дознаеме и останатите четвртфинални двојки.
Беретини кој без борба го елиминираше Федерер го очекува најверојатно дуел со првиот светски рекет Ѓоковиќ кој треба да ја оправда фаворитската улога против Мусети, а победникот од дуелот Надал-Синер ќе се соочи со подобриот од мечот Шварцман-Штруф.
Ролан Гарос: Вилијамс елиминирана, Медведев закажа дуел со Циципас