Ролан Гарос: Вилијамс елиминирана, Медведев закажа дуел со Циципас

epa09247854 Serena Williams of the USA in action against Danielle Collins of the USA during their third round match at the French Open tennis tournament at Roland ?Garros in Paris, France, 04 June 2021. EPA-EFE/CHRISTOPHE PETIT TESSON

Денеска во женска конкуренција тенисерката од Казахстан, Елена Рибакина ја оствари можеби нејзината најголема победа во кариерата совладувајќи ја Серена Вилијамс во четвртото коло на грен слем турнирот „Ролан Гарос“.

Рибакина успеа за еден час и 20 минути игра со резултат 2:0 по сетови 6:3 и 7:5 да ја елиминира Американката Вилијамс.

Противник на Рибакина во четвртфиналната фаза ќе биде Анастасија Пављученкова. Русинката претходно со пресврт триумфираше над Белорусинката Викторија Азаренка со 5:7, 6:3 и 6:2.

Изненадување приреди словенечката натпреварувачка Тамара Зиданшек која славеше победа над Сорана-Михаела Кирстеа од Романија со 7:6 (4) и 6:1.

За пласман во полуфиналето Зиданшек ќе игра со Паула Бадоса Гиберт од Шпанија која со 2:1 (6:4, 3:6, 6:2) ја елиминираше Маркета Вондрушова од Чешка.

Кај мажите петтиот носител на турнирот Стефанос Циципас од Грција со 3:0 (6:3, 6:2, 7:5) беше подобар од Шпанецот Пабло Карењо-Буста.

Следен противник на Гркот, во четвртфиналето ќе биде Русинот Данил Медведев, вториот носител ја оправда фаворитската улога против Кристијан Гарин (Чиле) со 6:2, 6:1 и 7:5.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот