Нов голем успех за македонскиот таеквондист Дејан Георгиевски кој освои златен медал на турнирот во Тирана (Албанија) во рамките од серијата Г2.

Нашиот натпреварувач успеа во финалето во катеторијата +87 килограми да го совлада Словенецот Иван Трајковиќ, кој патем е медалист од СП.

Во првата рунда Македонецот беше подобар со 9:4, а втората рунда ја доби уште поубедливо со 11:2. Претходно во полуфиналето триумфираше над Босанецот Динко Сегедин (прва рунда 5:2, втора рунда 3:0).

Георгиевски направи уште еден чекор поблиску, со новите бодови кон обезбедување на олимписката норма за Игрите во Париз 2024.

Медал освои и Филип Додевски (-87 кг.) освои сребро откако загуби од Талех Сулејманов, иако во решавачките моменти имаше и водство од 4:0.

Анамарија Георгиевска во категоријата -73 кг. загуби од Италијанката Маристела Смираглиа (0:6, 1:5).