Шпанскиот тенисер Рафаел Надал официјално го откажа учеството на „УС Опен“ и објави дека сезоната за него е завршена поради проблеми со стапалото.

– Се борев многу повеќе отколку што треба со ногата и сега треба да одморам. По разговорот со тимот и семејството, донесена е одлука да се посветам на закрепнување. Оваа година пропуштив многу турнири кои ми значат, како „Вимблдон“ и Олимписките игри, а сега ќе го пропуштам и „УС Опен“.

Морам да сменам многу работи, за да видам што е најдобро за мојата нога. Не е нова повреда, ја влечам од 2005 година. Многу работи досега не одеа добро, па дојде време да донесеме одредени одлуки. Ќе морам да поминам малку поинаков третман за да најдам решение и да си овозможам да ја продолжам кариерата уште неколку години – се зборовите на Надал.

Неговиот прв следен турнир беше Вашингтон, каде што беше поразен од Лојд Херис.

Во меѓувреме, тој не играше на Роџерс купот и Синсинати, а нема да го гледаме ни на УС Опен, кој го освои четири пати.

Да потсетиме, ниту Рожер Федерер, ниту Доминик Тим, победникот од минатата сезона, нема да бидат дел од грен слемот во Њујорк кој ќе стартува на 30 август.