Заврши психијатриското вештачење на Малчанскиот бербер: „Мирен е и во затворот не прави никакви проблеми“
Нинослав Јовановиќ (46), попознат како Малчанскиот бербер, е вратен во притворската единица на Казнено-поправниот завод во Ниш, откако заврши едномесечното психијатриско вештачење во Специјалната затворска болница на Окружниот затвор во Белград. Како што дознава „Блиц“, тој деновите во затворот ги поминувал мирно, а во ќелијата бил со уште двајца осуденици.
– Вратен е во Ниш за викендот каде се наоѓа во ќелија со уште двајца осуденици. Не прави никакви проблеми, го почитува дневниот ред и нема ексцеси – вели изворот на „Блиц“.
Психолошкото вештачење на Малчанскиот бербер, кој е осомничен за киднапирање и силување на 12-годишната М.К., завршено е минатата недела и тој е вратен во затворот во Ниш.
Засега не е познато што пишува во дијагнозата на вештаците, дали осомничениот Јовановиќ бил при здрав разум во моментот на киднапирање и за време на потрагата на полицијата и воопшто за неговата психичка состојба.
Јовановиќ е уапсен на 5 јануари на гробиштата во Малча, една недела откако девојчето кое го имаше киднапирано беше пронајдено во викендичка и 17 дена откако ја имаше киднапирано додек одела на училиште во местото Суви Дол кај Ниш. Во повеќе дневната потрага низ цела Србија се мобилизираа повеќе од 800 полицајци и доброволци.
Случајот со Малчанскиот бербер сѐ уште предизвикува страв ширум Србија
Малчанскиот бербер бара самица, стравува дека другите затвореници ќе го малтретираат
Од испадите на Малчанскиот бербер стравувала и неговата сопствена мајка
ИМ ГИ СЕЧЕ КОСИТЕ, ПА ГИ СИЛУВА: Кој е серискиот педофил по кој трага цела Србија?