Од испадите на Малчанскиот бербер стравувала и неговата сопствена мајка
„Подобро да го убиеа. Ќе отидевме на гробишта, ќе се изнаплачевме и ќе дојдевме дома. Но ова…, “ги раширила рацете Славица, потсетувајќи се на проблемите кои Нинослав и ги предизвикал во текот на својот живот.
„Лекуван е од своето пореметување уште од мали нозе, првпат на девојка ѝ ја исшишал косата на само седум години, лекуван е на психијатрија, одбивал да пие лекови, домашните се плашеле од него, ги труел кучињата за да не го најавуваат неговото доаѓање, а мајка му се плашела да не ја убие“.
Ова е само дел од она што го дожвивувале Славица и Душко Јовановиќ, родителите на Нинослав Јовановиќ (46), осудуван силувач на деца кој е уапсен на 5 јануари, по 17 дена потрага поради киднапирање и злоупотреба на девојчето Моника Каримановиќ (12). Родителите на озлогласениот „Малчански бербер“, кои за разлика од нивниот син важат за вредни земјоделци и луѓе за пример, ја српските медиуми ја „отворија душата“ и открија низ каков пекол минувале со својот син во изминатите години.
– Подобро да го убиеа. Ќе отидевме на гробишта, ќе се изнаплачевме и ќе дојдевме дома. Но ова…- ги раширила рацете Славица, потсетувајќи се на проблемите кои Нинослав и ги предизвикал во текот на својот живот.
Славица, заедно со сопругот Душко, речиси цел живот имале проблеми поради својот син, направиле сѐ за да го вратат на вистинскиот пат, но неуспешно.
– Од кога имаше една година е лекуван, па двапати лежеше во болница. Проблемите започнаа кога беше петто одделение. Ќе го нема по 10-тина дена, ќе направи некакви измами, па се враќа. Додека ги вратиме договите тој беше мирен, па повторно си заминува. Проблемите со него беа уште откога се роди, а се боревме сѐ до неговата 14, 15 година, да му даваме лекови. Не сакаше да ги пие, ги криеше и никогаш не ги голташе – разкажува мајката.
Кога и како на Нинослав му се јавила опсесијата со коса и шишање – не знаат, никогаш не им кажал. Првата таква епизода, која според нив, го најавила неговото пореметување, се случила кога имал седум или осум години.
– Беше дете, прво или второ одделение. Јатрвата има ќеркичка, живеат во соседството, и децата си играа заедно. И таа ми вели: „Леле Славице, твојот Нинослав на мојата ќерка и ја исече косата. Не знаевме што значи тоа, мислевме дека е детска игра. Првиот пат кога издржуваше девет години за силување, тој беше дома само 45 дена, за повторно да направи силување и да служи 12 години затвор, кога излезе во јануари 2018. И во октомври повторно беше притворен. Откога се роди, ние немаме мир – добив и шеќер (дијабет) и притисок. Сѐ правевме за да му овозможиме нормални услови за живот, но кренавме раце од него, ни остави само трауми – сведочи Славица за српските медиуми.
Освен тоа што често им го нарушувал животот, Нинослав создавал најразлични проблеми за своите родители, тие велат дека му давале многу шанси, верувале во него и се надевале дека ќе се подобри по неколкуте затворски казни, но попусто.
– Секогаш нешто му сметаше. Му готвев, перев, а тој цело време се закануваше дека сака да убие некој сосед. Во некои случаи, намерно предизвикуваше расправии за да има причина да побегне од дома. Ние одевме на нива, а тој викаше: “Не сакам повеќе да работам, не сакам да бида слуга”. Кога ќе се вратевме дома, тој продолжува да се жали. Еднаш влегов во подрумот да ги измијам кофите, а тој се појави на вратата. Си помислив – сега ќе ме убие. И довикнав на снаата, па таа дојде, но оттогаш не влегував сама да ја вршам таа работа – се сеќава Славица, во дел од бројните детални сведоштва кои ги раскажа за својот син Нинослав.