Затвореник од прилепскиот затвор пријавил во полиција дека бил измамен за сума од околу 14.500 евра – тој му ги дал на човек кој го убедувал дека ќе му издејствува помала казна, но казната останала иста, а несудениот посредник за рушветот исчезнал со парите.

За признанието дека дал поткуп, односно дека извршил уште едно кривично дело, затвореникот сега може да добие и продолжен престој зад решетки.

„На 21.04.2026 во 12:30 часот во ОВР Прилеп, осуденик од Kазнено– поправната установа Затвор Прилеп пријави дека бил измамен од К.К. за сума од 890.000 денари. Според пријавеното, пред околу два месеци, K.K. го довел во заблуда дека ќе му помогне да му се намали затворската казна, a за возврат од него ги побарал и добил парите во неколку наврати. Но, откако сфатил дека бил измамен, настанот го пријавил во полиција. Се преземаат мерки за расчистување на случајот“, пишува во полицискиот билтен.

Деловен комплекс бил приклучен на диво на Попова Шапка, газдата украл струја вредна 22.000 евра