Започнува битката за титулата во Првата лига, Шкупи и Шкендија главни фаворити
Со натпреварот меѓу Струга Трим Лум и повратникот во прволигашка конкуренција, Победа, стартува новата сезона во Првата фудбалска лига (ПМФЛ).
Утре ќе се играат натпреварите Силекс – Работнички и Академија Пандев – Брегалница, додека средбите на Шкупи и Шкендија против Тиквеш и Скопје се одложени поради настапите на шампионот и на тетовските „црвено-црни“ во европските купови. Слободна во првото коло е екипата на Македонија ЃП.
Сезонава наместо 12, во ПМФЛ ќе учествуваат 11 екипи поради откажувањето на Ренова на десет дена пред стартот на сезоната, а улога на главни фаворити за титулата ја имаат актуелниот шампион Шкупи и поранешниот првак Шкендија.
Во претсезоната, со настапите во квалификациите за пласман во европските купови, токму овие две екипи покажаа највеќе, и имаат шанса да обезбедат и европска фудбалска есен.
Свои математики имаат и останите екипи во прв ред Македонија ЃП, Академија Пандев кои го завршија настапот во Европа како и Струга ТЛ, Брегалница, Работнички.
Нови прволигаши се екипите на Победа и на Силекс. Новата сезона во втората фудбалска лига ќе започне на 13 август.