Џенифер Лопез е „загрижена“ за Бен Афлек, откако тој беше принуден да го напушти својот дом во Пацифик Палисадес, вреден 20,5 милиони долари поради пожарите во Лос Анџелес.

Извор за „Пејџ Сикс“ ексклузивно изјавил дека Џенифер била  под стрес поради благосостојбата на нејзиниот поранешен сопруг откако „разбрала дека е евакуиран“.

„Лопез го проверува Бен во текот на целото ова искушение и му даде до знаење дека е тука за него и децата“, рече изворот, мислејќи на Виолет, Серафина и Семјуел, кои Бен ги има со поранешната сопруга Џенифер Гарнер.

Ѕвездата на „Бетмен“ беше евакуиран во вторникот од неговиот дом во Пацифик Палисадес, Калифорнија.

Афлек и Лопез, кои првпат се верија во 2002 година и се разделија две години подоцна, повторно ја разгореа својата романса на почетокот на 2021 година и се венчаа. Сепак, пејачката поднесе барање за развод од Афлек во август 2024 година. И покрај тоа што официјално се разведоа пред помалку од една недела, изворот изјавил дека Лопез „веднаш реагирала штом слушнала дека домот на Бен е можеби во опасност и дека тој бил евакуиран“.

„Џенифер се обрати веднаш штом слушна дека домот на Бен е веројатно во опасност и дека тој е евакуиран“, објаснил изворот.

Во вторникот вечерта, „Пејџ Сикс“ објави фотографии од загрижениот Афлек, кој бега со својот автомобил во куќата на Гарнер додека шумските пожари во Калифорнија му се закануваа на неговиот дом, кој тој го купи само пет месеци пред.

„Домот на Бен е безбеден, тој се чувствува толку благодарен што неговиот имот засега во ред. Бен познава многу луѓе кои за жал ги загубија своите домови. Тој видел многу пустош, тоа е повеќе од трагично и затоа е тука за сите кои имаат потреба од помош“.

Сепак, другите познати личности – како Парис Хилтон, Адам Броди, Мел Гибсон, Мајлс Телер, Џејми Ли Кертис и многу други – немаа толку среќа иги загубија своите домови, а штетата направена од пожарите допрва треба да се процени.

Бен Афлек го напушти својот дом поради пожарите, а засолниште најде кај поранешната сопруга Џенифер