ВИДЕО: Веспрем славеше во дербито против ПСЖ во Лигата на шампионите
Во рамките од првото коло во ЕХФ Лигата на шампионите Веспрем во големото дерби дома го победи ПСЖ со 36:34 (17:17).
Унгарскиот првак по рамноправното прво полувреме успеа да побегне на 30:25 пред навивачите кои ја даваа потребната поддршка и до крајот на мечот успеа да ја задржи позитивата.
Лауге Шмит со 11, Омар со осум, а Штрлек и Мае со по четири гола беа најефикасни кај Веспрем. Кристопанс постигна седум, Сипжек шест, а Соле Сала четири погодоци за ПСЖ.
Алборг победи против Целје со 36:32 (20:17), а најефикасен во редовите на данската екипа беше Микел Хансен со 10 гола. За словенечкиот претставник Алекс Влах осумпати се запиша во листата на стрелците.
Македонскиот репрезентативен голман Никола Митревски забележа четири одбрани во поразот на португалскиот Порто кај полскиот состав на Висла Плоцк со 27:23.
ЕХФ Лига на шампиони (2022/2023)
1. коло, резултати –
Група „А“: ППД Загреб – ГОГ 27:31, Веспрем – ПСЖ 36:34, Динамо Букурешт – Магдебург 28:30, Висла Плоцк – Порто 27:23.
Група „Б“: Кил – Елверум 34:26, Кјелце – Нант 40:33, Пик Сегед – Барселона 28:35, Алборг – Целје Пивоварна Лашко 36:32.
ЛШ: Веспрем со најголеми шанси за трофејот, Порто на Митревски не е ни во Топ 10 фаворити