ВИДЕО | Успешна нуркачка акција: Охридски нуркач спаси скап телефон на турист од Скопје
Охридскиот нуркач Никола Паскали за „OhridPress“ раскажа како бил во потрага по мобилен телефон, со цел да му помогне на еден скопски турист кој истиот го изгубил во езерото. Кој после ова ќе каже дека Охриѓани не „чинат“?
„По повикот, излеговме на терен и по потрагата е пронајден телефонот Iphone 12 Pro во Охридското Езеро, пред ресторанот „Кајче“. Во крајбрежните делови на градот има традиција велигденското јајце да се фрли во вода, за здравје, бериќет и плодна година. Пример некои го закопуваат во бавча. Има приказни од постарите кои живееле покрај езеро, кога ќе фатело големо невреме, јак југ, го фрлале во езеро Велигденското јајце кое стои на икона. Адети… – изјавил нуркачот Никола Паскали од Нуркачкиот Центар „Акватек“, кој на сите граѓани воедно им ги честитал и Велигденските празници со порака да го чуваме езерото за генерации, затоа што е голем благодет.
Паскали за наведениот извор додаде дека оваа акција не е прва од ваков вид и дека често го повикуваат да вади од езерото изгубени работи:
– Сум нуркал по наочари, телефони, клучеви, дрон, столови, сидра. Добро е кога има на кого да му се јавиш, изјавил Паскали.