Долгоочекуваната премиера на филмот „Топ Ган: Маверик“ се одржи во Сан Диего, а Том Круз на црвениот тепих пристигна со хеликоптер кој сам го управуваше.

Актерот веќе 28 години има пилотска дозвола, а познато е и дека во своите филмови сам ги изведува сите вратоломии и дека нема каскадери.

На хеликоптерот кој пристигна на премиерата пишуваше „Том Круз: Маверик“, а тој од него излезе во одело и со авијатичарски очила на лицето.

Потоа на црвениот тепих позираше со колегите Џенифер Конели и Мајлс Телер.

Она што ги изненади фановите е неговото затегнато лице, а многумина заклучија и дека не се променил многу од првиот Топ Ган. Да се потсетиме, тој филм е снимен во 1986. година.

Естетскиот хирург Најла Раја, чии пациенти се бројни славни ѕвезди, го даде своето објаснување зошто славниот актер изгледа можеби премногу младолико.

„Се чини дека претерал со инекции против брчки и со филери, што негативно влијае на неговиот изглед. Ако не се разгледа внимателно структурата на лицето, крајниот резултат може да биде искривен и неприроден изглед“, изјави таа.