Сончев и жежок ден не очекува и денеска. Според прогнозата на Управата за хидрометеоролошки работи времето денеска ќе биде претежно сончево и многу топло, со мала до умерена облачност, додека попладне во делови од земјата ќе има услови за локална нестабилност со пороен дожд и грмежи.

Утринските температури се движат од 14 степени во Берово до 22 степени во Гевгелија, а максималните дневни ќе бидат меѓу 31 степен во Маврово и 39 степени во Скопје.

Во Скопје ќе преовладува сончево и многу топло време со мала до умерена облачност. Попладне, во делови од Скопската Котлина, ќе има услови за изолирана појава на пороен дожд и грмежи.

Температурата ќе се движи од 21 до 39 степени, а ќе дува слаб до умерен ветер од променлив правец.

Според прогнозата на УХМР, промена на временските услови се очекува во вторник. Иако ќе остане сончево и топло, во попладневните и вечерните часови ќе има локална нестабилност со пороен дожд, грмежи и засилен ветер од западен и северозападен правец.

Минималните температури ќе се движат од 14 до 23 степени, а максималните ќе бидат меѓу 30 и 38 степени.