ВИДЕО: Новогодишно шоу на Џејмс
ЛА Лејкерс (18-19) го деморилаше Портланд (13-22) со 139:106 благодарение на олдичната партија на Леброн Џејмс. „Кралот“ натпреварот го заврши со 43 поени и 14 скокови, а одлична помош имаше од Расел Вестбрук кој оствари трипл-дабл од 15 поени, 13 скокови и 12 асистенции како и од Малик Монк кој даде 18 поени. Кај Портланд се истакна Бен Меклемор со 28 поени.
Атланта хоукс (16-19) успеа да надомести негатива од 16 поени и на крајот да го победи Кливленд (20-16) со 121:118. Тре Јанг со 35 поени и 13 асистенции беше најдобар кај Атланта, Клинт Капела имаше дабл-дабл од 18 поени и 23 скокови, додека кај Кливленд се истакна Кевин лав со 34 поени и 11 скокови.
Џими Батлер со 37 постигнати поени го предводеше Мајами хит (23-13) во победата од 120:110 над Хјустон (10-26).
Бекот на Мемфис гризлис (23-14) Џа Морант трет натпревар по ред постигнува 30 или повеќе поени и му ја донесе четвртата победа по ред на својот тим. Овој пат Мемфис со 118:105 беше поуспешен од Сан Антонио (14-20).
Резултати:
Бостон – Феникс 123:108
Индијана – Чикаго 106:108
Сакраменто – Далас 96:112
Хјустон – Мајами 110:120
Кливленд – Атланта 118:121
Торонто – ЛА Клиперс 116:108
Мемфис – Сан Антонио 118:105
Оклахома – Њујорк 95:80
Јута – Минесота 120:108
ЛА Лејкерс – Портланд 139:106