ВИДЕО | На Нетфликс пристигнува новата серија „Resident Evil“, погледнете го трејлерот
Серијата „Resident Evil“ пристигнува на Нетфликс оваа година во јули. Пред неколку дена е објавена првата најава на серијата и досега е прегледана повеќе од 1,8 милиони пати.
„Во мирниот „New Raccoon City“ никогаш немало многу случувања. Легендарната франшиза „Resident Evil“ својата битка за опстанок ќе ја претстави на Нетфликс на 14 јули“, се вели во најавата.
Во најавата се прикажува дека приказната ќе биде поделена на два дела – едниот е сместен во 2022-та година, а другиот во Лондон во 2036-та година.
Серијата ќе го истражува мрачното внатрешно делување на корпорацијата „Umbrella“ и новиот светски поредок предизвикан од појавата на Т-вирусот.
„Resident Evil“ ќе биде серија која се темели на истоимената игра. Франшизата досега извади бројни продолженија на видеоигрите, романите и популарната филмска франшиза. Во јули минатата година беше објавена анимираната серија „Resident Evil: Infinite Darkness“.
За новата серија Нетфликс не се огласуваше премногу. Во август 2020 година тие ја објавија насловната страница од сценариото на кое се гледа дека првата епизода се вика „Добредојдовте во „New Raccoon City“. Тогаш напишаа и дека во првата сезона ќе има осум епизоди во траење од по еден час и дека серијата ја води Андру Даб, а Бронвен Хјуз ќе ги режира првите две епизоди.
When the Wesker kids move to New Raccoon City, the secrets they uncover might just be the end of everything. Resident Evil, a new live action series based on Capcom’s legendary survival horror franchise, is coming to Netflix. pic.twitter.com/XWh5XYxklD
— Netflix Geeked (@NetflixGeeked) August 27, 2020