Карен Хачанов е во полуфиналето на грен слем турнирот „УС Опен“ откако после маратон од три часа и 40 минути игра и пет сета го совлада Ник Кирјос.

Русинот го елиминираше австралискиот тенисер со 7:5, 4:6, 7:5, 6:7 (3) и 6:4 и за првпат во својата кариера е полуфиналист на еден од грен слем турнирите.

За пласман во големото финале Хачанов ќе игра против Норвежанецот Каспер Руд кој со 3:0 во сетови 6:1, 6:4 и 7:6 (4) беше подобар од Матео Беретини (Италија).

Втората полуфинална двојка кај мажите ќе се комплетира по завршувањето на останатите два четвртфинални мечеви, Јаник Синер – Карлос Алкараз и Андреј Рубљов – Френсис Тиафо.

Во женска конкуренција Онс Жабер од Тунис во четвртиналето ја совлада Алја Томљановиќ (Австралија) со 6:4 и 7:6 (4) и во полуфиналната фаза ќе игра против Французинката Каролин Гарсија кој со 6:3 и 6:4 триумфираше над Американката Коко Гоф.

Треба да се одиграат и преостанатите четвртфинални мечеви, Ига Швјонтек – Џесика Пегула и Каролина Плишкова – Арина Сабаленка.