Карлос Алкараз во финалето на последниот Грен слем сезонава „УС Опен“ во Њујорк (САД) го совлада Норвежанецот Каспер Руд со 3:1 во сетови 6:4, 2:6, 7:6 и 6:3.

Младиот шпански тенисер ја освои својата прва Грен слем титула во своето прво Грен слем финале.

Со оваа победа Алкараз се искачи и на врвот на АТП листата. Тој стана најмладиот број еден во светот, додека Руд ќе биде на второто место на АТП.

По големиот успех Алкараз призна дека е уморен.

– Малку сум уморен. На секој турнир треба да дадеш апсолутно сè што имаш. Работам многу, многу напорно, ова е нешто за што сонував, уште од дете, да бидам шампион. Тешко е да се зборува поради сите овие емоции, но тоа е нешто на што максимално се трудев заедно со моето семејство, со тимот. Имам само 19 години, сите мои одлуки се во согласност со моето семејство и ова е нешто посебно за мене – рече Алкараз.

Исто така му честиташе и неговиот сонародник Рафаел Надал, четирикратен освојувач на „УС Опен“. Потсетување дека Рафа загуби во четвртото коло од Американецот Френсис Тиафо.

– Честитки Карлос Алкараз за твојот прв Грен слем и за првото место што е кулминација на твојата прва одлична сезона и сигурен дека ќе ги има уште многу. Каспер Руд, голем труд, многу сум горд на тебе. Тешка среќа, но имаше еден неверојатен турнир и сезона. Само продолжи напред – напиша Надал на „Твитер“.

Felicidades @carlosalcaraz por tu primer Grand Slam y por el número 1 que es el colofón a tu primera gran temporada que estoy seguro serán muchas más! 👏🏻
Great effort @CasperRuud98 !very proud of you! Tough luck today but amazing tournament and season! Keep going!

— Rafa Nadal (@RafaelNadal) September 11, 2022