ВИДЕО: Им се оствари сонот, параолимпијците од Авганистан пристигнаа во Токио
Двајца спортисти од Авганистан пристигнаа во Токио (Јапонија), каде ќе се натпреваруваат на Параолимписките игри, објави денеска Меѓународниот параолимписки комитет.
Станува збор за Закија Кудадади, која ќе се натпреварува во пара-таеквондо и спортистот Хосаин Расули, кој ќе настапи на трката на 400 метри, пренесува „Кјодо“.
Иако претходно се најавуваше дека нема да настапат на Параолимписките игри, сепак ќе се оствари сонот за учесниците од Авганистан. Според соопштението, пречекот за авганистанските спортисти, кои беа евакуирани од нивната земја, беше „крајно емотивен“. Тие го напуштија Авганистан пред една недела и пристигнаа во Токио од Париз.
Авганистанскиот параолимписки комитет претходно објави дека двајцата спортисти нема да можат да се натпреваруваат во Токио, откако Талибанците ја презедоа контролата врз целата територија на таа земја. Во видео порака минатата недела, Кудади изрази желба да избега од Кабул и да го исполни својот сон да ја претставува својата земја на Параолимписките игри.
Two athletes from Afghanistan have arrived in Tokyo for the Paralympic games after what was thought to be a highly unlikely departure in light of the Taliban takeover pic.twitter.com/jW3XaSRZwq
— TRT World Now (@TRTWorldNow) August 29, 2021
Afghan athletes Zakia Khudadadi and Hossain Rasouli have arrive for Paralympics https://t.co/vZUzmjLwkh
— The Frontier Post (@TheFrontierPost) August 29, 2021
Меѓународниот параолимписки комитет претходно изјави дека не е безбедно двајцата авганистански параолимпијци да бидат префрлени во Јапонија, но неколку влади и организации успеале да им помогнат. Портпаролот на организацијата рече дека на медиумите нема да им биде дозволено да разговараат со нив за време на Игрите, со цел да се зачува нивното ментално здравје.
Кудади и Расули не учествуваа на свеченото отворање на игрите на 24 август, но во знак на солидарност, еден од волонтерите го носеше знамето на таа земја. Околу 4.400 спортисти од целиот свет, помеѓу кои и Оливера Наковска Бикова од Македонија, се натпреваруваат на Параолимписките игри во Токио.