Дарко Глишиќ ќе биде ново засилување на Илинден во пресрет на новата сезона во Третата македонска фудбалска лига.

Глишиќ пристигнува во Илинден по настапите за Скопје, каде што ја мина изминатата полусезона, а претходно го носеше и дресот на Македонија Ѓорче Петров.

Во својата богата кариера има настапувано за повеќе домашни и странски клубови. Фудбалски израсна во Вардар, а во Македонија играше и за Напредок, Тетекс, Гостивар и Шкупи. Надвор од земјата стекна значајно интернационално искуство, бранејќи ги боите на Олимпик Сараево, Динамо Тбилиси, Септември Софија, Арда Карџали и кипарска Докса.

Илинден продолжува активно да работи на составувањето на тимот за новата сезона, а со доаѓањето на новиот тренер Горан Симов, клубот веќе ангажираше неколку нови имиња. Пред Глишиќ, договори со клубот потпишаа Дарио Десниќ, Давид Ристовски, Кристијан Ристовски, Кристијан Ивановски, Матеј Божиновски, Марио Маркулев и Иван Ташовски.