Најдобриот тенисер на светот се пласираше во полуфиналето на Мастерс турнирот во Рим откако го елиминираше Стефанос Циципас со 4:6, 7:5 и 7:5.

Мечот започна во текот на вчерашниот ден, но истиот поради дожд продолжи денеска со позитива од 1:0 во сетови за грчкиот натпреварувач.

Но, Новак Ѓоковиќ никогаш не се предава и на крајот успеа да направи пресврт за пласман во следната фаза.

Следен ривал ќе му биде Италијанецот Лоренцо Сонего кој исто така мораше со пресврт да дојде до победата.

Првиот сет го освои Андре Рубљов (6:3), но следните два му припаднаа на домашниот тенисер (6:4, 6:3). Од претходно е веќе познато дека во полуфиналето силите ќе ги одмерат вториот носител Рафаел Надал и Рајли Опелка.

A Roman Revival! 🇮🇹

The moment @DjokerNole completed a stunning victory over Tsitsipas to advance to his eighth consecutive Rome semi-final…#IBI21 pic.twitter.com/nCEH8ZeM1F

— Tennis TV (@TennisTV) May 15, 2021