Актерката Ен Хатавеј беше една од оние кои синоќа привлекоа најмногу внимание на доделувањето на Оскарите. Убавата актерка на церемонијата пристигна во фустан од „Валентино“, а на сцената се појави заедно со поранешната главна уредничка на „Вог“, Ана Винтур, промовирајќи го филмот „Ѓаволот носи Прада 2“.

Иако многумина беа воодушевени од нејзиниот младешки изглед и од нивното заедничко појавување на сцената, некои сепак заклучија дека актерката можеби направила премногу естетски зафати на лицето.

Anne Hathaway. #Oscars pic.twitter.com/nXYo5Z4B2g

— Flashy grill (@Flashygrill) March 16, 2026

Хатавеј на доделувањето се појави промовирајќи ја комедијата од 2006 година, која на 1 мај добива продолжение. Симпатичниот момент меѓу актерката и една од највлијателните личности во модниот свет не остана незабележан. Но за многу гледачи пред малите екрани, токму лицето на актерката привлече најголемо внимание и предизвика бројни шпекулации на социјалните мрежи.

„Што направи Ен Хатавеј со своето лице и зошто?“, „Ен Хатавеј го претстави своето ново лице“, „Дали Ен Хатавеј направила пластична операција? Лицето ѝ изгледа чудно. Речиси е непрепознатлива“, беа само дел од коментарите на корисниците на платформата Икс.