Бугарската полицијата доцна синоќа уапси уште три лица во врска со инцидентите пред зградата на Европската комисија во Софија. Така, по протестот на „Преродба“ во саботата приведени се вкупно 10 лица, од кои двајца поради пратенички имунитет беа ослободени.

Софискиот окружен суд денеска ќе ги разгледува мерките што ги преземаа петтемина обвинети за палењето и обидот за упад во претставништвото на Европската комисија во Софија. Обвинителството поднесе обвинителен акт против четворица полнолетни и еден 17-годишник.

Тие се обвинети за хулиганство, при што обвинителството тврди дека нивните постапки се одликуваат со екстремен цинизам и дрскост, што предвидува казна затвор до 5 години, а за малолетникот – до 2 години затвор. За сите ќе се бара продолжен притвор.

Адвокат на дел од обвинетите е пратеникот од „Преродба“ Петар Петров. Тој изјави дека сите приведени се чисти, без криминално досие, а 17-годишниот малолетник е ученик.

Судирите дојдоа откако протестот организиран од партијата Преродба во саботата против усвојувањето на еврото во Бугарија прерасна во обид за упад во зградата на Европската комисија во Софија. Кон неа летаа црвена боја, чад и бомби.

Во немирите се повредени 29 лица – 19 демонстранти и 10 полицајци.

Комуналните служби од Софија утрово пак почнаа да ја чистат црвената боја што беше фрлена врз зградата на претставништвото на Европската комисија и Европскиот парламент во Софија.