Шпанија продолжи да сонува светска титула, откако со победата над Белгија обезбеди место меѓу четирите најдобри селекции на Мундијалот. „Црвената фурија“ за првпат по 16 години ќе игра во полуфинале на Светско првенство.

Човек на одлука повторно беше Микел Мерино. Фудбалерот на Арсенал влезе во игра во 86. минута како замена за Дани Олмо, а само две минути подоцна го постигна победничкиот гол, и тоа по својот втор контакт со топката, слично како против Португалија во осминафиналето кога исто така беше херој со влегување од клупата.

Во овие две средби на теренот мина вкупно само девет минути, доби четири дуели, имаше два контакта во противничкиот шеснаесетник, упати два шута и двата ги претвори во голови, потврдувајќи дека максимално ја користи секоја минута што ја добива.