Белгија го заврши настапот на Светското првенство по поразот од Шпанија со 2:1 во четвртфиналето, а многумина како причина за поразот ја гледаат повредата на Тибо Куртоа.

Искусниот чувар на мрежата беше заменет во 71. минута, откако почувствува болка при едно исфрлање на топката. Наместо него меѓу стативите застана Сене Ламенс, кој лошо реагираше при вториот гол кој го постигна Шпанија.

По натпреварот Куртоа откри дека веднаш го известил стручниот штаб за непријатноста што ја почувствувал, но нагласи дека можел да продолжи.

„Почувствував болка при исфрлање на топката. Му кажав на стручниот штаб дека имам болка, иако немав проблем да останам на голот. На крајот селекторот реши да ме повлече од игра. Не се лутам затоа што екипата е над сè“, изјави Куртоа по натпреварот.

ВИДЕО | Шпанија во финишот ја победи Белгија и се пласираше во полуфиналето