Фудбалската репрезентација на Шпанија се пласираше во полуфиналето на Светското првенство по возбудливата и тешка победа од 2:1 над Белгија.

Видовме два сосема различни делови од првото полувреме. Затишје во првите 20 минути, а потоа целосна експлозија во второто полувреме.

Шпанија поведе со голот на Руиз во 30 минути, изгледаше како подобар тим и се чинеше поблиску до втор гол, а потоа еден блесок од Белгија и удар со глава од Де Кетеларе за израмнување. Тоа беше резултатот на полувремето – 1:1.

Шпанија продолжи да има поголем посед на топката и постојано ги притискаше своите ривали, додека Белгија чекаше шанса од контранапад.

Белгијците од 71 минута останаа без голманот Тибо Куртоа кој мораше да го напушти теренот поради повреда, а беше заменет од Сене Ламенс.

Кога изгледаше дека натпреварот ќе оди во продолжение, дојде решавачкиот момент. Во 88 минута, Кубарси шутираше сично од далечина, Ламенс лошо интервенираше и ја одби топката директно во ногата на Микел Мерино, кој рутински постигна гол за 2:1. Мерино втор натпревар по ред се покажува како „златна“ резерва од клупата, бидејќи неговиот гол беше одлучувачки и на натпреварот против Португалија.

Со овој триумф, Шпанија закажа полуфинален спектакл со француската репрезентација, која го победи Мароко претходниот ден. Полуфиналето е закажано за 14 јули во Арлингтон, Тексас.