Демонстрантите во Љубљана повикаа на излегување на земјата од НАТО, воведување санкции врз САД и Израел и пренасочување на воените трошоци кон јавните услуги, на митингот одржан по новото ветување на владата за зголемување на воените трошоци, пренесуваат словенечките медиуми.

Вчерашниот протест го организираше студентската организација Искра, која се спротивставува на повисоките воени трошоци и членството на Словенија во алијансата, пренесува СТА.

 

View this post on Instagram

 

A post shared by Iskra (@drustvo_iskra)

„Низ својата историја, НАТО служеше како воен инструмент за потчинување на државите“, изјави претставничката на Искра, Тара Маслаковиќ.

Говорниците, исто така, ја критикуваа надворешната политика на Словенија, особено нејзините врски со Израел, обвинувајќи ги и претходната и сегашната влада дека не ги надополнуваат декларациите за солидарност со Палестинците со конкретни акции.

Политико: Словенија многу ризикува со референдумот за НАТО

Маслаковиќ ги критикуваше плановите за зајакнување на односите со Израел и евентуалното отворање на израелската амбасада во Љубљана.

Вчера и претседателот на словенечкиот парламент, Зоран Стевановиќ, изјави дека верува оти ориентацијата на населението кон членство во НАТО треба да се провери.

Претседателот на словенечкиот парламент предлага референдум за членството во НАТО

Тој предложи референдумот за членството на Словенија во алијансата да се одржи истовремено со локалните избори на есен.

Протестот во Љубљана се одржа еден ден откако лидерите на НАТО на состанокот во Анкара ја потврдија својата посветеност да ги зголемат трошоците за безбедност и одбрана на 5 проценти од бруто домашниот производ до 2035 година, при што 3,5 проценти ќе бидат наменети за основни одбранбени потреби и 1,5 проценти за пошироки инвестиции поврзани со безбедноста.

НАТО испорачува резултати, а инвестициите во одбраната продолжуваат да растат, заклучи Руте по самиот во Анкара