Александер Зверев е првиот финалист на овогодинешниот грен слем турнир Вимблдон. Германскиот тенисер го победи Британецот Артур Фери во три сета – 7:6 (0), 6:2, 6:4, по два часа и 14 минути игра.

Зверев апсолутно доминираше во дуелот против Фери, завршувајќи ја својата „бајка“ на престижниот грен слем, каде што стигна до полуфиналето како најниско рангиран играч на сите времиња.

Миленикот на домашната публика му пружи жесток отпор на третиот играч во светот само во првиот сет, каде што Германецот го реши доминантно во тај-брејк, и ги држеше конците на мечот во остатокот од играта.

Зверев стигна до финалето на Вимблдон за прв пат во својата кариера, со што го комплетираше својот пласман на сите четири грен слем турнири. Така, тој се најде на еден чекор од нов грен слем трофеј, откако конечно го постигна за прв пат на Ролан Гарос пред еден месец.

Зверев во недела ќе се соочи со победникот од вториот полуфинален дуел меѓу Новак Ѓоковиќ (Србија) и Јаник Синер (Италија) за трофејот на Вимблдон.

A first Wimbledon final awaits 👏@AlexZverev defeats Arthur Fery 7-6(0), 6-2, 6-4 and is one win away from back-to-back Grand Slam titles#Wimbledon pic.twitter.com/4uNPB17tls

— Wimbledon (@Wimbledon) July 10, 2026