Фери испиша историја на Вимблдон — Британецот како 114 играч на светот ќе игра во полуфиналето
Британскиот тенисер Артур Фери успеа да стигне до полуфиналето на Вимблдон и го направи најголемиот резултат во својата кариера.
Препорачано
Фери денеска успеа да го победи Италијанецот Флавио Коболи во четвртфиналето со 3:0 во сетови 6:4, 7:6 (4) и 6:0.
Британецот дојде на Вимблдон како 114 играч во светот, малкумина слушнале за него, освен огромните фанови на овој спорт, но тој успеа да стигне до полуфиналето.
Бајката на Фери растеше од коло во коло, а по победите против Дамир Џумхур, Ото Виртанен и Зизу Бергс, Британците сфатија дека имаат нешто посебно во Фери откако го победи Григор Димитров во осминафиналето.
Тој доби можност да игра пред своите навивачи на Централниот терен по втор пат, ја искористи шансата и ја направи најголемата сензација на турнирот.
Во полуфиналето, Фери ќе игра против третиот светски рекет Александер Зверев. Германецот славеше со 6:4, 6:4 и 6:2 против шестиот носител Тејлор Фриц од САД.
Во второто полуфинале ќе играат првиот носител на грен слем турнирот, Јаник Синер (Италија) и Новак Ѓоковиќ од Србија.
Arthur Fery, Wimbledon semi-finalist.
An incredible achievement – the first British wild card to reach the final four at The Championships 🇬🇧
#Wimbledon pic.twitter.com/e7c1QiJzJl— Wimbledon (@Wimbledon) July 8, 2026
Вимблдон: Костјук ја елиминираше Паолини и закажа полуфинале против Носкова
