Победата на Новак Ѓоковиќ над Феликс Оже-Алијасим и пласманот во следната фаза на Вимблдон повторно актуелизираше една интересна статистика која со години го следи српскиот тенисер.

Имено, секогаш кога се одржува Светско првенство во фудбал, Ѓоковиќ успева да го освои Вимблдон. Така беше во 2014 година, кога во финалето го совлада Роџер Федерер, во 2018 година по триумфот над Кевин Андерсон, како и во 2022 година кога беше подобар од Ник Кирјос.

Оваа необична низа повторно привлече внимание меѓу љубителите на спортот, особено затоа што годинава повторно се игра Мундијал, а Ѓоковиќ е меѓу главните фаворити за титулата на тревата во Лондон.

Најголемиот обожавател на Кристијано Роналдо тврди дека тој бил заслужен што Меси го промаши пеналот

Српскиот ас со години потврдува дека токму Вимблдон е турнирот на кој го игра својот најдобар тенис. Неговото искуство, ментална цврстина и доминација на тревната подлога го прават еден од најуспешните тенисери во историјата на овој Грен слем.

Дали традицијата ќе продолжи и во 2026 година останува да се види, но статистиката засега е совршена – три Светски првенства и три титули на Вимблдон за Новак Ѓоковиќ.

Неверојатниот Ѓоковиќ и во маратон од пет часа го победи Алијасим за полуфинале со Синер