Селекторот на фудбалската репрезентација на Франција, Дидие Дешан, одржа прес-конференција пред утрешниот натпревар од четвртфиналето од Светското првенство во 2026 година против Мароко. Тој призна дека Африканците се висококласен тим, против кој на Французите нема да им биде лесно.

– Мароко не е Парагвај. Ова е многу висококласен тим, кој сака да ја поседува топката и да напаѓа. Ќе мора да бидеме ефикасни во нападот, но и во одбраната. Тоа ќе биде судир на сили – рече Дешан.

Дешан откри дека само Орелиен Чуамени останува под знак прашалник, но „тој се чувствува подобро“ и има шанса да тренира со тимот. Тој исто така потврди дека жолтиот картон на Михаел Олисе останува на сила.

Во врска со судењето, Французинот беше категоричен: „Нашиот противник е Мароко, а не судијата“.

Селекторо увери дека Килијан Мбапе е фокусиран и покрај расистичките навреди:

„Килијан е добро, како и целата група. Тој е подготвен за утре“.

Дешан заврши нагласувајќи ја важноста на тимот: „Тимот е секогаш посилен од поединецот“, нагласувајќи дека тимскиот дух е една од најголемите предности на Франција.