Килијан Мбапе продолжува да испишува нови страници во историјата на светскиот фудбал. Капитенот на Франција беше стрелец во победата од 2-0 над Мароко во четвртфиналето на Светското првенство, а со тоа постави уште неколку импресивни рекорди.

Според статистиката на „Опта“, Мбапе стана првиот фудбалер во последните 60 години кој на две различни Светски првенства директно учествувал во најмалку десет голови. На Мундијалот во Катар во 2022 година забележа осум гола и две асистенции, а на актуелниот турнир веќе има осум погодоци и три асистенции, односно вкупно 11 директни учества во голови.

Венгер: Франција ќе го освои Мундијалот

Со погодокот против Мароко, францускиот ас стигна и до осум голови со кои ѝ донел водство на својата репрезентација на Светските првенства, што е најдобар учинок во историјата на ова натпреварување.

Мбапе се приближува и до уште едно легендарно достигнување. Германецот Герд Милер сè уште го држи рекордот за најмногу директни учества во голови на едно Светско првенство – 13, остварени во 1970 година со десет гола и три асистенции.

ВИДЕО | Мундијалски вести: француската машина продолжува да меле – има ли кој да ги запре „триколорите“?

Покрај мундијалските рекорди, францускиот капитен постави и нов репрезентативен рекорд, откако стана првиот фудбалер кој директно учествувал во 100 голови за Франција. Досега има постигнато 64 гола и запишано 36 асистенции.

Франција со победата над Мароко обезбеди пласман во полуфиналето, а Мбапе продолжува да биде еден од главните фаворити за признанието најдобар играч на Светското првенство.

Ново историско достигнување за Франција по победата над Мароко