Арсен Венгер верува дека Франција ќе го освои Светското првенство во САД, Канада и Мексико. Поранешниот долгогодишен тренер на Арсенал смета дека „триколорите“ имаат сè што е потребно за да стигнат до трофејот, по поразот во финалето на Мундијалот во Катар пред четири години.

Венгер нагласува дека неговата прогноза не е поради тоа што е Французин, туку поради анализата на квалитетот и начинот на кој тимовите играат на турнирот.

„Франција ќе го освои Светското првенство. Знам дека ќе кажете дека тоа го велам затоа што сум Французин, но не е така. Кога го анализирате Мундијалот, гледате кој може да го следи темпото и интензитетот на натпреварите. Франција има квалитет да игра на највисоко ниво“, изјави Венгер.

ВИДЕО | Мундијалски вести: француската машина продолжува да меле – има ли кој да ги запре „триколорите“?

Сепак, поранешниот стратег на Арсенал смета дека постои една репрезентација која може сериозно да им се спротивстави на Мбапе и соиграчите.

„Ако некој може да ја победи Франција, тоа е Шпанија. Нивното техничко ниво е можеби и повисоко, а начинот на кој ја контролираат играта може да биде голем предизвик за секој противник“, додаде Венгер.

Така, според легендарниот тренер, Франција е главниот фаворит за светската круна, но Шпанија останува тимот кој има најголеми шанси да ја наруши шампионската визија на „триколорите“.

Ново историско достигнување за Франција по победата над Мароко