Поранешниот менаџер на фудбалскиот клуб Ливерпул, Јирген Клоп, откри како „Црвените“ купиле приватен авион и храна за Килијан Мбапе и неговото семејство во обид да го потпишат францускиот репрезентативец пред тој да се одлучи да се приклучи на Пари Сен Жермен во 2017 година.

Германецот рече дека тоа бил „најскапиот нетрансфер“ во кој клубот инвестирал, бидејќи тогаш ја следеле ситуацијата на тогашниот напаѓач на Монако, кој во тоа време имал само 18 години, пренесува „Би-би-си спортс“.

Зборувајќи пред четвртфиналниот меч на Мундијалот меѓу Франција и Мароко , Клоп, кој работи за Магента ТВ како коментатор на Светското првенство, рече дека играчот на Реал Мадрид бил баран од Ливерпул.

Тој продолжи да објаснува како бил обезбеден лет од Блекпул до Ница во Франција, каде што „целото семејство Мбапе се качило во приватен авион со пет соби или нешто слично“. Мбапе, кој сега има 27 години, е застапуван од неговата мајка, која раководи со консултантска компанија за професионални фудбалери.

– Навистина се потрудивме максимално. Потоа летавме во круг, разговаравме со семејството, јадевме добра храна“, рече Клоп.

Тој кажа дека не сакале да бидат видени како разговараат – но состанокот се покажа како неуспешен. Мбапе подоцна му се придружи на ПСЖ на позајмица со договор со опција трансферот да стане траен за 180 милиони евра (153 милиони фунти). Потоа помина седум години во Париз, станувајќи рекорден стрелец во клубот пред да замине во Реал Мадрид во 2024 година.

„Летавме во круг. Беше фантастично. А потоа тој отиде во Париз“, се зборовите на Клоп.

59-годишниот Клоп помина девет години го водеше Ливерпул, освојувајќи титула во Лигата на шампионите и Премиер лигата пред да се повлече во 2024 година. Наскоро би можел да биде промовиран како нов селектор на германската репрезентација по заминувањето на Јулијан Нагелсман.