Манчестер јунајтед ја објави посакуваната локација за својот нов стадион со капацитет од 100.000 гледачи, кој треба да го замени легендарниот „Олд Трафорд“. Во официјалното соопштение во кое ги претстави своите амбициозни планови, клубот откри дека новиот стадион би бил изграден на само 350 метри од сегашниот дом на „црвените ѓаволи“.

Сепак, англискиот гигант сè уште треба реално да обезбеди финансиски средства за овој огромен проект. Од клубот тврдат дека планот за изградба на нова „стадионска област“ ќе отвори околу 48.000 работни места, 15.000 нови домови и потенцијално ќе донесе 8,6 милијарди евра годишно во британската економија.

🚨 OFFICIAL:

Manchester United have revealed the proposed location for their new £2 billion, 100,000-seater stadium, confirming it will sit 350 metres north-west of the current Old Trafford as the flagship of a new Stadium District.

The club acquired a 25-acre site after… pic.twitter.com/QGt4WXxGQa

— UtdXclusive (@UtdXclusive) July 9, 2026

Колет Рош, извршната директорка задолжена за развојот на новиот стадион на Манчестер јунајтед, изјави:

„Објавувањето на мастер-планот за Ворфсајд претставува уште еден значаен чекор во нашето патување кон создавање нов дом од светска класа за Манчестер јунајтед, во срцето на динамична и трансформативна област за Трафорд и Манчестер.“

„Олд Трафорд“ моментално е вториот најголем стадион во Англија зад „Вембли“.

A future for Old Trafford we can all be proud of ❤️ pic.twitter.com/S63pWKMNO7

— Manchester United (@ManUtd) July 9, 2026

Новиот дом на Манчестер јунајтед ќе стане стадион со најголем капацитет во Европа. Објектот со 100.000 седишта значително ќе ги надмине стадионите на ривалите во Англија, каде што втор на листата е стадионот на Тотенхем со капацитет од 62.850 гледачи.

„Олд Трафорд“ во моментов прима 74.878 навивачи, а од клубот веруваат дека постои доволно голема побарувачка за уште поголем стадион.

Андреј Сантос на чекор до Јунајтед: Челси бара 56 милиони евра за бразилецот