Шестмина работници во штипска фабрика која се наоѓа во трговско-индустриската зона (ТИРЗ) во градот, вчера пријавиле дека се затруле со храна во Одделението за епидемиологија и социјални услуги при Центарот за јавно здравје, пишува „СДК.мк“.

Ова се случува само неколку дена откако 44 вработени во прилепската компанија „Микросам“ се затруја со салмонела, откако јаделе макарони со урда и сирење, подготвени од фирма за кетеринг.

„Стручни лица од Центарот излегоа на увид во објектот на операторот со храна каде бил извршен разговор со одговорните лица, биле дадени препораки и мерки, наложено било генерално механичко чистење на просториите и биле направени и санитарни прегледи на вработените и земени се мостри за микробиолошка анализа и брисеви од работните површини и во фирмата каде се консумира храната и кај операторот снабдувач со храна“, соопшти Центарот.

Отаму велат дека до добивањето на сите резултати ќе се следи состојбата на веќе затруените работници и начинот на извршувањето на мерките и препораките, а според законската регулатива и ќе се преземат дополнителни мерки ако има нови затруени.

Станува збор за вработени во една од првите фирми во ТИР зоната, а операторот е лоциран во кругот на поранешниот комбинат „Македонка“ во Штип, пишува „СДК.мк“.

Инспектори ја затворија мензата во РЕК Битола поради можно труење со храна на 80 вработени