Првичните наоди од обдукцијата за смртта на 24-годишната девојка од Македонија, која беше пронајдена почината во стан во Солун, засега не покажуваат дека се работи за насилна смрт или извршено кривично дело. Според грчките медиуми, наодите покажале дека младата Македонка починала од патолошки причини, односно смрт предизвикана од болест или природен процес во организмот, објави грчкиот портал „Тестивал“

Сè уште се чекаат резултатите од токсиколошките анализи, кои треба да дадат дополнителни одговори и да ја утврдат точната причина за смртта.

Дваесет и четиригодишната девојка, која неофицијално е од Прилеп, претходно била пријавена за исчезната откако нејзиното семејство не успеало да воспостави контакт со неа. По потрагата, таа била пронајдена без знаци на живот во стан во солунската населба Сикиес.

И покрај првичните наоди, истрагата продолжува, а надлежните служби ги проверуваат сите околности поврзани со случајот до добивањето на конечните резултати од токсиколошките испитувања.

Девојка за која се претпоставува дека е од Македонија е пронајдена мртва во Солун