Членовите на Судскиот совет со 11 гласа „за“ на денешната седница ја избраа Даниела Димовска за претседател на Основниот кривичен суд Скопје. Таа доби и четири гласа „за“ при гласањето според Бадентеровото начело.

Одлуката е донесена по спроведена постапка по јавен оглас, на кој апликации доставиле двајца кандидати – Даниела Димовска, судија и вршител на должност претседател на Основниот кривичен суд Скопје, и Ивица Стефановски, судија во истиот суд.

Претседателот на Комисијата за избор, Ивица Николовски, информираше дека двете пријави биле уредни и кандидатите ги поминале предвидените тестирања и интервјуа. По усвојувањето на извештајот и спроведеното гласање, за претседател е избрана Димовска.

Димовска пред една година беше избрана за в.д. претседател на Основниот кривичен суд Скопје. Претходно беше судија во Одделението за организиран криминал и корупција при истиот суд.

Судијата Савески со жестока порака до Димовска за изборот на ВД претседател – Кој ви даде право во наше име да кршите Закон?