Дел од куќа во Штип бил урнат рано утринава со багер, тврди сопственикот на објектот, кој вели дека во тој момент тој и неговото семејство спиеле во домот.

Во изјава за ТВ М Нет, Џенгис раскажува дека багерот пристигнал во раните утрински часови, околу 4 часот, и дека со корпата двапати удрил во ѕидот од куќата.

Тој бара надлежните институции да излезат на терен и да извршат увид, за да се утврди каде е проблемот. Според него, додека случајот не се расчисти, ѕидот нема да биде тргнат, без разлика дали тоа ќе трае 24 или 48 часа.

Џенгис тврди дека куќата е легален објект и дека не станува збор за дивоградба.

„Куќата ми е легална, ништо не е дивоградба“, вели тој.

До овој момент нема официјално соопштение од надлежните институции за случајот.

Девојка за која се претпоставува дека е од Македонија е пронајдена мртва во Солун